【明報專訊】港鐵10月2日開始提升「早晨折扣優惠」，由𠵱家嘅七五折增至六五折，可享優惠嘅市區特定車站亦會由35個增至44個，新增車站包括觀塘線樂富站至油塘站沿途9個車站。 「早晨折扣優惠」2014年推出，持有成人八達通嘅乘客可以喺星期一至五(公眾假期除外)早上7時15分至8時15分期間，喺指定車站出閘，即可享車費優惠。新增車站包括樂富、黃大仙、鑽石山、彩虹、九龍塘、牛頭角、觀塘、藍田及油塘。 港鐵又話，本年度車費推廣計劃令乘客慳到嘅總金額，由上年度嘅5億元增至超過8億元，包括加碼至為期40個星期嘅「程程3.3%八達通車費扣減」、「早晨折扣優惠」加大折扣、新增適用車站等；2019/20年度回饋乘客嘅優惠會超過35億元。反修例風波持續，港鐵頻頻封站激嬲唔少市民，仲被諷刺為「黨鐵」，唔知今次優惠加碼會唔會幫到港鐵加分呢？
|
| |
| |
