【明報專訊】《大公報》喺灣仔軒尼詩道舊址外牆有個大招牌，有網民早前懷疑招牌係僭建，7月向屋宇署投訴，屋宇署發現個招牌係不符圖則嘅違例建築，喺7月24日發出清拆令，叫《大公報》60內好拆咗佢。噚日Emily路過灣仔，見到個招牌被白布包到實一實，相信應該係展開清拆工程。

除咗招牌，《大公報》喺該處有部大電視，市民當時投訴部電視影響駕駛安全，不過由於冇違反《建築物條例》，屋宇署話唔使拆，但自從被投訴後，部電視就冇開過。屋宇署回覆話，已收到拆除該招牌嘅小型工程展開通知書，署方會喺接獲工程嘅完工證明書後視察，以確定清拆令已獲遵從。