【明報專訊】近日反修例風波令港鐵成為話題，有網民向港鐵App入面以吉祥物「基哥」做主角嘅對話機械人(Chatbot)，問咗一連串反修例關鍵詞，例如「打死人」、「催淚彈」等，仲話基哥答得好「貼地」，Emily決定實測下…… Emily打開個App就見到基哥好熱情咁邀請我問佢問題，叫Emily話佢知想去邊，話會幫我搵點去。Emily先試試網民曾輸入嘅「打死人」，基哥嘅答案係「太子站」A出口，同網民得到嘅答案一樣；亦有網民話，輸入「Tear gas」或者「催淚彈」，基哥會建議「葵芳站」，Emily噚日都試過，但基哥一時話「需要網絡連線」，一時就話「唔明白」，仲學緊。 唔明白「暴徒」「破壞」 Emily 試過「速龍」、「防暴」等，都係冇答案，當輸入「克警」，基哥建議去灣仔嘅「香港警察總部」，或者「尖沙嘴警署」。Emily再輸入「和你飛」、「不合作運動」、「暴徒」、「破壞」等，基哥都話「唔明白」。 部分資料由第三方提供 Emily幫基哥戴番頭盔先︰港鐵App聲明「部分資料由第三方提供」，所以答案未必代表基哥同港鐵立場。
|
| |
| |
;){kind=small}
