Ann姐養貴婦狗 愛牠無乜味
[2018.12.27] 發表
【明報專訊】香港唔少人都有養狗，民建聯議員蔣麗芸(Ann姐)喺facebook出片，分享養狗小知識。Ann姐提醒大家，決定養狗就要做好心理準備，將要服侍隻狗仔，會係狗仔嘅工人，「如果唔鍾意服侍，就千祈唔好養，狗仔自己唔識照顧自己，唔識整嘢食、冲涼，咩都唔識」。
Ann姐現時養緊嘅係貴婦狗，佢話已經養咗7年，養貴婦狗係因為佢哋好少狗味、鍾意乾淨，亦唔會隨處甩毛，佢建議大家如果首次養狗可以養啲中小型狗狗，因為迷你狗抵抗力較弱。Ann姐亦建議養狗前要準備較剪、指甲鉗同牙刷，幫狗狗修毛、剪甲甲同刷牙；同埋要買玩具畀狗狗，因為狗狗都會想自己擁有嘅嘢喎。
同樣係九龍西立法會議員嘅民建聯鄭泳舜(Vincent)，亦喺facebook分享自己同狗狗相處嘅經歷。佢話養咗兩隻惠比特犬已經兩年，分別叫「歡歡」同「欣欣」，兩隻都係「運動型」狗狗，經常跟佢跑山。Vincent仲話佢哋又瘦、又跑得快，同兩隻狗一齊跑，顯得佢好笨重咁話。
更多港聞
相關新聞
