【明報專訊】開學喇，唔少人都要準備學生相，出外畀錢影有平有貴，於是唔少政黨都會喺區內搞吓影優惠證件相活動。新婚?新民黨立法會議員容海恩(Eunice)就教大家再慳啲，佢喺facebook上載短片，教點樣自家影學生相，片中一人分飾三角，除咗做學生model之外，仲扮埋爸爸媽媽點影相，片中「助手」唔係佢老公袁彌昌，而係P圖加咗鬍鬚嘅Eunice。 要準備間尺A4紙兩部手機 Eunice話，自家影學生相需要準備兩把間尺、A4白紙同兩部手提電話，白紙係用?減下巴陰影及頭頂嘅光，另一部手機就用?打燈。影完相佢仲介紹埋免費應用程式，可以美圖、調光、退地甚至「換埋衫」。不過，唔少區議員透過提供呢類服務，令街坊受惠之餘亦可收集區內居民聯絡方法，唔知其他做地區嘅議員又like唔like Eunice嘅介紹呢？
|
| |
| |
;){kind=small}
