【明報專訊】唔少人間中想離開香港唞啖氣，除咗搭飛機，郵輪旅遊近年係新選擇。有郵輪公司講起，話留意到高鐵最快喺9月就通車，諗住計劃下年搞「高鐵郵輪套票」，希望用「搭郵輪送高鐵飛」吸客。 皇家加勒比郵輪香港有限公司銷售及市場總監楊博雄噚日見傳媒，講起現時公司的郵輪旅客唔少係內地客，其中主要來自華南如廣東等地；公司睇好內地客市場的發展，故諗住最快9月後高鐵西九龍站通車之際，湖北、武漢等內陸城市旅客來港更方便，計劃下年搞「高鐵郵輪套票」，希望用搭郵輪，送高鐵車票吸客。 另外，該公司今年首次喺傳統旅遊淡季即5月、6月搞長線郵輪團，乘搭「海洋贊禮號」，初步反應理想，吸引唔少本地銀髮族幫襯，當中9晚日本「九州深度遊」已經爆滿，航程行經福岡、長崎、熊本、下關之旅，每位行程價錢約8000幾蚊；另外5晚芽莊之旅約5000蚊，都相當受歡迎。
|
| |
| |
;){kind=small}
