【明報專訊】《第37屆香港電影金像獎頒獎典禮》今日舉行。多名金像導演、影帝、影后賽前都睇好葉偉信執導的《殺破狼．貪狼》成為金像獎大贏家，但許鞍華也有不少支持者，有望憑《明月幾時有》六奪金像導演。 金像導演劉偉強睇好《貪狼》掃走「最佳電影」、「最佳導演」和「最佳男主角」，他說﹕「古天樂的演出有很大轉變，戲中能文能武，感情發揮得好好。女主角我就投《相愛相親》的張艾嘉。」劉嘉玲認同《貪狼》可奪「最佳電影」，覺得製作認真又有驚喜。 任達華大唱反調，他熱捧許鞍華的《明月幾時有》奪「最佳電影」和「最佳導演」，他說﹕「部戲整體好好，無論攝影、美術、導演手法都很完美，因為最佳電影要包括好多元素，這部電影有足夠條件得獎。至於許鞍華真是好導演，她的風格保持對人物描寫得好好。」 劉嘉玲﹕田壯壯演技爐火純青 任達華、楊千嬅、任賢齊、張智霖及袁詠儀都一面倒睇好古天樂稱帝，任達華說﹕「古天樂勝一籌是因為有打戲、有文戲，比普通人難度高，內心戲亦做得好好。」小齊和楊千嬅有同感，小齊說：「古仔那場認屍戲，面對失去女兒，做到抽心抽肺，我睇到都好感動，覺得古仔好大突破。」楊千嬅亦說：「他戲中跟女兒之間的感情表達得好犀利，估不到他身手那麼犀利，以前無見過他拍這類戲。」不過劉嘉玲就睇好田壯壯，她說﹕「田壯壯的演技已去到爐火純青，好有深度而內斂。」 張智霖﹕古天樂好到加零一 張智霖霸氣讚老友古仔好到加零一，文戲又好，又打到飛起。老婆袁詠儀和應道﹕「古仔應該要攞獎，都熟成啦！最佳女主角我覺得是周秀娜與張艾嘉之爭，兩部片我都有睇過，周秀娜發揮得好好。張艾嘉保持一貫水準，自導自演要額外加分。」任達華就投「黑馬」鄧麗欣一票，指她演得真實、自然。「最佳男配角」他支持姜皓文，任達華說﹕「他每次表現都很好，無論喜劇、動作都無失準，其實去年應攞獎，可惜遇上更強對手曾志偉。」 記者﹕柯美、鍾一虹
|
| |
| |
;){kind=small}
;){kind=small}
;){kind=small}
;){kind=small}
