留京投票 經民聯3人代3．11不回港
[2018.03.08] 發表
【明報專訊】3月11日立法會補選撞正全國人大會議要喺北京就修改憲法投票，香港唔少建制派政黨同社團嘅領袖都喺北京開緊兩會，修憲投票同為香港補選助選、投票點揀，令唔少人好頭痛。經民聯有3個港區人代同6個全國政協委員，身兼政協委員嘅監事會主席林建岳噚日喺北京話，選舉工作唔一定喺3．11做，之前已經做咗好多工作，經民聯嘅政協委員預料會留京，如有需要先會返港，而3名人代「新人」則要留喺北京開會。
身為經民聯成員嘅人代張俊勇話，一般情况都唔可以向會方請假，何况3月11日人代要就修憲投票，呢一票非常重要，而且開人大會議前已收到通知，所有人代都需要盡量出席會議。人代洪為民就笑言自己已經帶咗十幾日嘅衫同錢上北京開會，同人代陳亨利一樣，都冇打算喺補選日回港。
張華峰透露同趙樂際講乜
中央政治局常委、中紀委書記趙樂際日前會見港澳政協委員，有委員話趙樂際同經民聯張華峰握手握得特別耐，講笑話佢哋可能交流緊股票。張華峰就解釋，佢只係向趙介紹自己係香港政協委員同從事金融服務業，希望中央支持香港金融服務界嘅發展，趙樂際聽完就微笑點點頭。
更多港聞
【明報專訊】中文大學早前有數名學生在校內成立「香港獨立研究學會」。據中大學生刊物《大學線》報道，該學會正踏入約半年的試辦期，其間若運作正常，...
詳情
【明報專訊】課程發展議會的「與商業相關的學習」諮詢委員會，早前檢視文憑試高中選修科「企業、會計與財務概論」（簡稱「企會財」）的發展。教育局首...
詳情
相關新聞
