【明報專訊】Mastercard噚日公布道德消費行為及慈善捐贈報告，喺2016年11月透過網上，共訪問8738名分別來自14個亞太區市場包括澳洲、中國大陸、香港、印度、日本、越南等地方嘅消費者。結果發現60.2%嘅本地消費者曾經捐款畀慈善團體，較去年同期嘅53.6%增加，而60%嘅本地受訪者就話，願意每年捐出最多780港元嘅個人善款。 每年最多願捐780元 報告仲發現，香港係亞太區內第三大樂於捐款嘅地方，僅次於越南(78.5%)同泰國(66.3%)；當中港人最傾向支持同「貧困及飢餓扶貧」(27.2%)有關嘅慈善團體，其次係「兒童教育及健康」(26.9%)同「嚴重疾病」(22.3%)。
|
| |
| |
