[昔日明報]
【明報專訊】馬會屯門公眾騎術學校噚日舉行周年開放日，吸引逾5000名市民免費入場近距離接觸馬兒，參加者可以策騎小馬、參觀馬房、玩攤位遊戲同觀賞馬術表演等。適逢母親節，有唔少家庭入場，有人三代同堂首次參觀騎術學校，等細路同馬影吓相；有媽媽就帶埋囡囡同老公，第3次參與開放日，笑言囡囡「次次都要騎馬」。
馬會轄下現時有3間公眾騎術學校，分別位於屯門、薄扶林同鯉魚門，為6歲或以上市民提供課程同活動，每年有超過6萬人次參與訓練同比賽。
;){kind=small}
