律師會「一帶一路」論壇 CY將致辭
[2017.05.05] 發表
【明報專訊】唔少高官話「一帶一路」機遇處處，香港律師會就睇準呢個時機，下周五(12日)喺會展舉辦首個由法律界主辦嘅「一帶一路」論壇，主題為「連接、融合及協作」。
呢個論壇規模唔小，除咗力推「一帶一路」嘅特首梁振英(CY)會出席並致辭，中聯辦主任張曉明、律政司長袁國強、財政司長陳茂波都會現身，仲有超過40個來自一帶一路國家嘅法律團體答應參加，可以話係冠蓋雲集。最近CY又有新嘅心頭好「粵港澳大灣區」，律師會會長蘇紹聰都話律師會有興趣積極參與，隨時願意跟政府北上考察。
今年亦係律師會成立110周年，佢哋嚟緊會舉行一系列活動慶祝，包括下周六(13日)同樣喺會展搞大型晚宴，筵開超過100席。
更多港聞
小學生全校追夢發明多 製餵貓機空氣監測車 四出介紹爭贊助
【明報專訊】浸信會天虹小學參加了「DreamStarter」（啟夢者計劃），現時全校學生正埋頭於數十個「發夢」計劃，學生更穿梭不同大學向學者... 詳情
相關新聞
