民主黨3．17黨慶 尹兆堅預告拍片性感演出

[2017.02.24] 發表

【明報專訊】民主黨3月17號會舉行年度黨慶晚宴，以往唔少黨員都會粉墨登場娛賓，立法會議員尹兆堅噚日同傳媒茶敘，預告會拍短片致賀，片中更有「性感演出」。

唔扮《天若有情》華仔

佢無透露係咩內容，但笑言唔係著泳裝，又話自己現時身材比起最fit嗰陣時重咗幾十磅，最近去健身時都畀師傅話佢肥。阿尹話，黨本來建議佢扮《天若有情》入面嘅劉德華，但因為自己無電單車牌，最終擱置咗。

料八成黨員選委提名曾

講起特首選舉，擁有30張選委票嘅民主黨早前推薦黨員提名曾俊華，7名議員率先提名，阿尹就相信大約八成黨員選委最終會提名曾俊華。另一參選人林鄭月娥現時係「跑馬仔」大熱，不過阿尹話即使對方當選，以其過往出任政務司長時，作風表現同特首梁振英如出一轍，相信民主黨同林太嘅恩怨都好難輕易「抹咗去」。

有民主黨中人笑言，去年黨慶有資深議員「金盆洗手」環節非常爆，相信今年無法突破「金盆洗手」，不過今年都係有短片等大家笑吓，亦會有唱歌環節。

更多港聞

【明報專訊】立法會前主席曾鈺成喺《am730》嘅專欄，不時以引述「陳鄧」模擬對話嚟評論政事，噚日喺題為〈獨我一人〉文章，「陳鄧二公」就爭論特... 詳情

【明報專訊】香港唔少人鍾意踩單車，路明科技香港有限公司成功開發名為「Lumos」嘅智能單車頭盔，仲獲得英國設計博物館—The Design ... 詳情

【明報專訊】聯合國兒童基金會（UNICEF HK）噚日舉行春茗午宴，剛到印度考察嘅總幹事劉玉燕亦都在場，仲同大家分享上周喺印度考察嘅見聞，佢... 詳情

【明報專訊】新一年醫管局又有人事變動，九龍東醫院聯網總監、聯合醫院行政總監徐德義將會退休，由現任將軍澳醫院行政總監譚錦添接任，佢將會喺11月... 詳情

【明報專訊】因急性肝衰竭惡化需要緊急換肝嘅52歲中原地產資深區域營業董事吳國偉（Philip），今個月10號獲瑪麗醫院一名過身女病人捐出屍肝... 詳情