借專欄「陳鄧」對話 曾鈺成：林鄭獨我一人真委屈
[2017.02.24] 發表
【明報專訊】立法會前主席曾鈺成喺《am730》嘅專欄，不時以引述「陳鄧」模擬對話嚟評論政事，噚日喺題為〈獨我一人〉文章，「陳鄧二公」就爭論特首參選人林鄭月娥嘅民望問題，文中仲形容林鄭呢幾年喺政府「可真委屈：上欠賢君，下缺能臣；英明神武，獨我一人！」
指民望被特首拖累
今次模擬對話中，由陳公首先指出林鄭民望較曾俊華低，支持林鄭嘅鄧公話官員民望由多個複雜因素造成，如經常要處理社會爭議問題，好難有高民望，林鄭同特首梁振英關係密切，亦令林鄭民望被拖累；仲有庸碌無能、尸位素餐嘅官員影響等，又指林鄭都同好多人講過，有啲問責官員嘅表現都令佢好失望。
背後批同僚 三姑六婆所為
陳公就話，林鄭唔應該喺其他人面前批評自己同僚，「作為高官之首，對其他官員有意見，應該當面提出。背後說人壞話，是三姑六婆所為，不是領袖風範」。鄧公最後指「像林鄭那樣肯做又會做的，這一屆政府裏還有幾人」，所以林鄭已表明新一屆政府要大換血。陳公就話咁樣講嚟，林鄭呢幾年喺政府真委屈：「上欠賢君，下缺能臣；英明神武，獨我一人！」結果兩人講到不歡而散。
更多港聞
【明報專訊】聯合國兒童基金會（UNICEF HK）噚日舉行春茗午宴，剛到印度考察嘅總幹事劉玉燕亦都在場，仲同大家分享上周喺印度考察嘅見聞，佢...
詳情
換肝中原高層 妻子寄卡謝各方 感激捐肝者傳媒醫護
【明報專訊】因急性肝衰竭惡化需要緊急換肝嘅52歲中原地產資深區域營業董事吳國偉（Philip），今個月10號獲瑪麗醫院一名過身女病人捐出屍肝... 詳情
【明報專訊】國際幼稚園一向予人自由之感，曾任兩所國際學校及一所私立學校校長的Wil Chan指出，部分本地家長為子女選擇幼稚園時，擔心國際幼...
詳情
相關新聞
