【明報專訊】鄉議局近期組黨聲音甚強，唔少鄉紳明言拒絕再為民建聯「抬轎」。早前民建聯周浩鼎舉行多場新東補選誓師大會，鄉議局主席劉業強全部缺席，但前日�鬖靚^誓師大會上，民建聯主席李慧�k(Starry)就透露新界東鄉紳「十有八九扛鼎」，包括劉業強同上水鄉委會主席侯志強都已去信表示支持，令人大跌眼鏡。Emily問過侯志強，雖然佢無否認撐鼎，但就連番講「唔知、無回應」。Emily再追問到底有無去信，佢竟然話自己「短暫性失憶」。

劉皇發個仔劉業強(發仔)記性好少少，佢同Emily講，表態支持只係「個人身分」，唔代表鄉議局喎。佢又話「我�]一直都係建制派嘛，又無人去選」，所以咪支持囉。咁係咪中聯辦背後發功，所以發仔同侯強都要乖乖站隊？劉業強就話無。

鄉議局早前發表報告鬧完民建聯「背信棄義」，如今掉頭支持會唔會引來鄉民不滿？發仔話大家都會明白�鵅A佢支持周浩鼎反拉布，社會應該和諧�齱C佢又解釋，「背信棄義」係鄉民原話，無理由歪曲人�]意見，但唔係自己睇法。雖然Starry講到明話鄉紳撐鼎，但前日�嚜}師大會劉業強等人依然無現身，就知道有幾分撐鼎啦。

除�魕P浩鼎，參選新東補選�鴷穧雪貝防禲B方國珊、黃成智、劉志成、梁天琦及梁思豪。