兄偕智障弟「行」馬拉松
[2016.01.19] 發表
【明報專訊】馬拉松賽事一浪接一浪，但竟然有人參加馬拉松包尾都一樣咁開心？45歲、中度智障嘅余永耀，同哥哥永泉就有個更重要嘅使命。兩兄弟今年將第三次挑戰專為智障人士而設嘅馬拉松，永泉希望透過活動鼓勵社會更關注、了解智障人士。
第三次挑戰 弟性格變開朗
雖然過去兩年都花咗40幾分鐘「行」完賽事，阿耀嘅健全伴跑員、哥哥永泉話包尾都唔緊要，「當行吓」，爭取同阿耀相處嘅機會。雖然永泉平日工作繁忙，但一樣識得照顧細佬，「行吓會問佢口唔口渴、使唔使去廁所」。關係一向疏離嘅二人，都可以話因馬拉松活動見多咗面，拉近關係。永泉雖然冇乜時間同阿耀練跑，但阿耀有參加馬拉松訓練，積極備戰。負責社工話見到阿耀性格開朗咗，下肢肌肉仲變得更有力𠻹。
盼大家更關心智障人士
第六屆東華三院「奔向共融」——香港賽馬會特殊馬拉松會喺1月31號舉行，今年首次申請到喺中西區海濱長廊同龍和道舉行，到時永泉會帶埋一對孖女一齊支持阿耀。原來孖女向來好少見阿耀，永泉記得孖女第一次見阿耀都有啲驚，「唔知點同智障人士溝通」。一家人血濃於水，永泉話囡囡𠵱家都會攬住阿耀同佢影相，佢希望透過今次活動，鼓勵大家更關心家中嘅智障人士。
更多港聞
【明報專訊】《施政報告》上星期公布後，各政策局官員陸續到立法會，講吓有關佢哋嘅政策工作。政制及內地事務局長譚志源噚日出席政制事務委員會，就被...
詳情
【明報專訊】律師會早前宣布計劃在2021年引入律師統一執業試，取代3間大學各自以法律專業證書課程（PCLL）考試批出執業資格的做法，大律師公...
詳情
【明報專訊】校記陳詠心早前透過學校活動，到訪灣仔聖雅各福群會的青少年生涯規劃體驗館，與各行各業相關人員接觸，並體驗行業「苦與樂」，其後整理當...
詳情
相關新聞
