月費$169 另加$99 樂視英超貴過now 4蚊
[2015.12.09] 發表
【明報專訊】樂視宣布奪得英超足球轉播權已經兩個半月，噚日終於宣布「英超狂睇組合」收費，2016至2019年球季，每季(10個月)1690蚊，平均每個月169蚊。另外有睇3個月嘅月費計劃，收597蚊，平均月費199蚊；淨睇1個月嘅話就收229蚊。正當Emily以為169蚊一個月就可以睇英超，心裏好興奮之際，睇真啲至發現原來想睇英超，首先要有月費99蚊嘅「樂迷99狂睇組合」，即係話以睇一季為例，月費盛惠169蚊加99蚊，咁就要268蚊。
now綁死3年 回贈8個月月費
至於同樣會喺嚟緊3季直播英超賽事嘅now TV，9月已經公布英超收費計劃，新客可以買3年嘅計劃，每月月費368蚊，但會喺合約期內回贈8個月月費，同時送800蚊超市禮券，計晒啲優惠之後，平均月費係264蚊，每個月平樂視4蚊。
不過，幫襯now TV要被綁3年，如果想自由啲，樂視個收費計劃只係綁1年。
買齊組合 可用手機App睇波
下季英超開季之後，集齊樂視嘅「樂迷99狂睇組合」同「英超狂睇組合」嘅朋友，就可透過樂視嘅電視、手機、盒子或者應用程式，睇英超嘅賽事喇。
更多港聞
有意參加港島直選 詹培忠：曾在赤柱「休息」利吸票
【明報專訊】明年立法會選舉，相信多個區都會出現混戰局面，其中港島區議席由7席變6席，相信格局更不明朗；而前金融服務界議員詹培忠（圖）無做議員... 詳情
【明報專訊】監警會噚日同警方代表召開聯席會議，分享吓點幫前線警員培養更好心理質素。原來由上年度開始，所有警務人員都要強制上一個名為「正向情緒...
詳情
相關新聞
