【明報專訊】運動品牌adidas聽日(27日)喺中環海濱搞青年暑期活動，搵咗行政會議成員陳智思及美籍華人NBA球星林書豪出席，兩人將各自率領籃球隊打友誼賽。面對一級球星，作為建制派嘅陳智思話自己唔想甩轆出醜，所以認真備戰，噚日特別租用場地射籃練習(圖)，仲話已經10年無打籃球，今次練習最希望尋回觸球「手感」。

陳智思一向好fit，每日都有鍛煉體能，佢話比賽唔怕輸體能，但佢真係好耐無打波，所以要認真練習。佢同Emily講笑話，「今次訓練嘅目標十分簡單，就係希望當日射籃時，球起碼要觸到籃框，唔好air ball」，仲話計劃今日操多一課。