騎士「大帝」勒邦占士日前在鄉親父老面前，臨完場前1.9秒一記「小學生式失誤」拍波甩手，連累球隊以90﹕92不敵馬刺。不過占士心情未必受好大影響，因為佢阿媽同男友好事近，雖然「後父」只係大佢3歲，不過孝順仔似乎好支持，仲#twitter大曬合照！

占士年尾就30歲，而佢「未來後父」林寶先32歲，不過占士並冇介意，反而可能冇代溝仲好。計落兩個又真係幾「friend底」喎，一來林寶本身係繞舌歌手，同占士志趣相投；二來占士又借出冠軍指環畀佢影水相；最緊要#係，林寶已經係Instagram公開叫占士媽媽歌莉亞「老婆」，雖然只係拍拖1年，但成為占士老竇只係時間問題，事母至孝的占士又點會反對呢？

母親曾與隊友傳緋聞

雖然球迷可能覺得占士叫年齡差唔多#人做「嗲#」好怪，但事實上林寶已經算正常，事關45歲占士媽媽早年曾經同大帝隊友韋斯特傳緋聞，而後者經常在球場上被占士點來點去，如果占士要叫韋斯特做老竇，應該會仲難受。除左韋斯特，占士媽媽亦曾戀上比乖仔年輕#後生仔，所以林寶即使生活揮霍，占士亦都接納，唔介意公開在上周六對鷹隊賽後拍攝的「父子」照。