【明報專訊】政府日前推出新一輪政改宣傳短片，大打「袋住先」信息，話2017年有普選喇，「有票，真係唔要？」 另邊廂，「讓愛與和平佔領中環」喺facebook專頁打宣傳戰，食住政府話有普選，佢哋問大家﹕假如2017中央篩選出3個候選人，包括1.反佔中建奇功之「張融」、2.有經驗再連任之「689」、3.首位女性特首之「鼠王芬」，「係有票呀，你要唔要呀？」(圖) 梁啟智﹕假選舉，當然要否決咗先 網民click入去睇，就有3個選擇畀你，包括「揀得過呀」、「撼頭埋牆」、「中環見」，投咗票之後，網頁就會顯示最新結果。嚟得呢個網頁，大部分係泛民粉絲，截至噚日黃昏，大約有300人投票，72％都係話中環見，只有4％話「揀得過呀」。 除咗呢個新遊戲，個別人喺網頁、facebook分享表達對政府最新一輪政改廣告嘅意見，好似中大博群計劃高級項目主任梁啟智喺facebook反問﹕「假酒，你唔會飲住先；假藥，你唔會食住先；假選舉，當然要否決咗先！」
|
| |
| |
;){kind=small}
