【明報專訊】工業界議員林大輝近來成日舉高拇指，唔好以為大輝近排滿意特首梁振英多咗，原來係佢左手手指公出咗啲事。話說大輝個幾月前覺得手指隱隱痛，見到食物及衛生局長高永文，唔敢用左手同佢握手，就係咁，引起本身係骨醫嘅高局長注意，原來大輝係筋膜發炎！ 筋膜發炎 食藥打針轉手機 大輝話，高醫生同佢講，對付呢隻「手機手」，可以有3招處理，包括食消炎藥、打類固醇針，最嚴重可能要做手術，開刀拎結痂出嚟。聽到呢度大輝已經隱隱作痛，終於喺食咗10粒消炎藥後，決定打一支類固醇。 不過，打類固醇有副作用，就係容易「骨脆」，所以大輝唔敢打足3支。大輝話佢最近亦戒用咗Blackberry黑莓手機，改用其他智能電話，希望無咁易勞損。Emily希望佢早日康復啦！
|
| |
| |
;){kind=small}
