【明報專訊】民政事務局長曾德成(左)10月8號至12號訪問莫斯科，為政府新聞處籌辦嘅「香港巡禮」展覽會主持開幕禮，宣傳香港形象，香港中樂團亦會喺莫斯科舉行音樂會。

政府2011年起推行暑期交流計劃，畀青年去外地體驗生活，有學生去咗俄羅斯。曾局長日前同去過俄國嘅中學生李鈊滎(右)見面。李鈊滎去年8月去俄羅斯喀山，喺當地家庭寄居同學習，短短1年已經掌握基本俄語，表現獲俄方讚賞。

曾局長話，聽咗李鈊滎嘅介紹，有助政府制訂青年國際交流計劃。