【Emily】救活230人 大愛恩人花園祭79捐器官者
[2024.12.02] 發表
【明報專訊】器官捐贈可以遺愛人間，有關注器官移植嘅團體噚日舉行「大愛恩人」秋祭儀式，由器官受贈者、捐贈者家屬喺將軍澳華人永遠墳場嘅「大愛恩人花園」，向79名器官捐贈者獻花致意。出席活動嘅衛生署長林文健話，香港現有超過38萬人登記捐贈器官，但每日有2000幾人等候移植，唔少人等唔到器官離世，呼籲市民踴躍向家人表達捐贈意願。
活動由香港腎臟基金會同香港器官捐贈行動組主辦，10多名器官受贈者、捐贈者家屬參與，為捐贈者獻上鮮花，紀念佢哋嘅無私奉獻。香港器官捐贈行動組召集人周嘉歡致辭話，大愛恩人花園建成8年幾以來，有79名器官捐贈者喺呢度長眠，佢哋捐出嘅器官救活咗230幾個病人，更圓滿咗受贈者嘅家庭，功德無量。
心臟移植康復者馬暢初50幾歲時患上糖尿病同冠心病，通完波仔仍要換心續命，最終5年前獲得換心機會，最終可以見證留學嘅囝囝畢業。為報答呢份心意，佢𠵱家會做義工，仲會多做運動強身健體。
更多港聞
【Emily】腎移植者伙醫生組隊環島行 鼓勵同路人多運動
【明報專訊】腎移植康復者陳國明（Peter）同主診醫生周啟明由醫患變成「跑友」，兩人首度組隊參加「綠色力量環島行」，其中Peter希望藉此喚... 詳情
【Emily】80熊貓進駐觀塘「自由空間」任打卡
【明報專訊】市建局行政總監韋志成噚日喺網誌上話，為配合「喜迎大熊貓」嘅氣氛，將於觀塘市中心嘅「自由空間」放置80隻身高0.5米至3米嘅大熊貓... 詳情
相關新聞
