【Emily】漫畫講孝 逾8500學生參賽
[2024.12.02] 發表
【明報專訊】立法會選委界別議員李浩然係課程發展議會價值觀教育常務委員會主席，佢哋最近搞咗個「紛紛有孝」四格親子漫畫創作比賽，推廣「孝道」嘅傳統價值觀，有超過8500個學生參賽。比賽分為親子組同個人組兩個組別，親子組冠軍係路德會沙崙學校嘅胡祐希同學，個人組冠軍係嘉諾撒培德學校嘅林莎凞同學。
比賽上周舉行頒獎禮，李浩然大讚同學嘅作品能以創意展示對「孝道」嘅理解，成功承傳和推廣孝道。教育局首席助理秘書長陳碧華就話，「孝」係一切德行嘅根本，教育局已將「孝親」納入首要培育學生嘅價值觀之一。
除咗「紛紛有孝」比賽外，華潤創業同教育局舉辦「同心創夢」系列「見證新時代」創意作品展覽，展覽作品來自香港唔同學校，包括繪畫、攝影、雕塑等唔同種類藝術形式，展示國家喺唔同領域上嘅發展。
更多港聞
【Emily】80熊貓進駐觀塘「自由空間」任打卡
【明報專訊】市建局行政總監韋志成噚日喺網誌上話，為配合「喜迎大熊貓」嘅氣氛，將於觀塘市中心嘅「自由空間」放置80隻身高0.5米至3米嘅大熊貓... 詳情
公民點對點：尼日利亞《花樣男子》 韓語演出掀熱話
【明報專訊】「韓」風橫掃全球，萬里之外的非洲也不例外。2024年10月初，尼日利亞製作的新片My Sunshine（暫譯《我的陽光》）在Yo... 詳情相關新聞
