【Emily】港運會總冠軍元朗區 離島啦啦隊雙喜
[2024.06.10] 發表
【明報專訊】持續個半月嘅第九屆全港運動會所有賽事已經結束，噚日喺九龍公園圖書館舉行閉幕暨綜合頒獎禮。元朗區喺8個體育項目嘅比賽中累積攞到最高分，贏得總冠軍，油尖旺區同沙田區分別係總亞軍同總季軍。
今屆港運會有逾4000名運動員參加田徑、羽毛球、三人籃球等八大體育項目合共過千場賽事。個人體育比賽項目新增設分齡組別賽事，最後有超過1500名青年人參與。大會亦設「十八區啦啦隊大賽」，「最佳表現獎」嘅冠亞季軍分別為離島區、元朗區、西貢區，圖中同時攞埋「最具地區特色獎」嘅離島區啦啦隊，有成員手持一個印有長洲特色平安包嘅道具。
更多港聞
相關新聞
