【Emily】環團：香港今年4月歷來最熱
[2024.05.01] 發表
【明報專訊】綠色力量引述天文台數據，今年4月嘅平均最高氣溫達28.9℃，打破1994年錄得嘅27.5℃紀錄，同時成為1884年有紀錄以來最熱嘅4月。綠色力量總監鄭睦奇提醒政府部門，要為酷熱同暴雨在內嘅極端天氣提早準備。
鄭睦奇話，由於4月仍係春季，今年氣溫平均介乎23至29℃，未至於酷熱，所以市民容易忽略。佢分析，香港過去嘅4月平均氣溫係23℃，今年4月就去到26.4℃，平均增加咗3.4℃，根據按月平均氣溫上升速度，可見香港今年4月氣溫較過去23年出現異常急速嘅升幅，不容忽視。
食環為鄉郊清潔工裝太陽能休息站
另外，食環署今年喺鄉郊地方安裝咗60個太陽能休息站，畀清潔工人休息，內設冷風機、風扇、抽氣扇等，都係由太陽能供電。署方話將繼續物色更多合適地點設置方便員工休息嘅設施。
更多港聞
【明報專訊】已屆古稀之年嘅社運人士古思堯，早前因抗議區選制度，被判企圖或準備作出煽動意圖行為罪成，𠵱家坐緊監。佢嘅社民連黨友曾健成（阿牛）...
詳情
【明報專訊】政府大力催谷香港融入大灣區發展，中大香港亞太研究所今年3月民調顯示，30.1%受訪者表示願意到大灣區內地城市生活或工作，比率較2...
詳情
相關新聞
