【Emily】調查：多咗人願到灣區內地城市生活工作 30%願意 增20百分點
[2024.05.01] 發表
【明報專訊】政府大力催谷香港融入大灣區發展，中大香港亞太研究所今年3月民調顯示，30.1%受訪者表示願意到大灣區內地城市生活或工作，比率較2022年11月同類調查增加20個百分點。與此同時，63.1%受訪者認為港人到大灣區內地城市發展優勢好小或無優勢，認為有優勢嘅就佔28.7%。
63%認為港人無乜優勢
亞太研究所喺今年2月29日至3月19日訪問701個年滿18歲嘅市民。對於返大灣區內地城市生活或工作嘅意願，30.1%表示「會」，64.9%表示「不會」，回答「不知道∕很難說」就有4.9%。民調又問受訪者會唔會鼓勵年輕人北上發展，43.2％話「會」，41％話「不會」。
問到係咪認同「大灣區規劃」係香港發展機遇時，有34.9%話同意，22.1%唔同意，回答「一半半」就有35.8%。至於「大灣區規劃」對香港發展所帶來嘅影響，50.9％受訪者認為「好壞參半」，25.6%話「好處多些」，18.1%認為「壞處多些」。
更多港聞
相關新聞
