【Emily】獄中撼親頭 古思堯出入醫院十幾次
[2024.05.01] 發表
【明報專訊】已屆古稀之年嘅社運人士古思堯，早前因抗議區選制度，被判企圖或準備作出煽動意圖行為罪成，𠵱家坐緊監。佢嘅社民連黨友曾健成(阿牛)透露，古思堯喺獄中曾經撼親個頭，要經常進出醫院，到日前先返赤柱監獄繼續服刑。阿牛話探監時見到古思堯面上仲有大塊棉紗同膠布，但身體無咩大礙，精神都算唔錯，多謝外界關心。
阿牛話古思堯早排因為見頭暈，暈低時撼親個頭，進出醫院十幾次，前後輸咗十幾次血，個頭縫咗十幾針。
古思堯預計最早6月7日放監，不過阿牛話，古思堯獄中獲告知距離放監仲有個幾月，就要「小心啲」。阿牛引述古話，唔排除放監日期仲有變數，會靜觀其變。
更多港聞
【明報專訊】政府大力催谷香港融入大灣區發展，中大香港亞太研究所今年3月民調顯示，30.1%受訪者表示願意到大灣區內地城市生活或工作，比率較2...
詳情
相關新聞
