【Emily】赴土耳其震區搜救 衛署醫生范婉雯獲國家表彰
[2023.12.30] 發表
【明報專訊】衛生署顧問醫生范婉雯噚日喺北京獲國家衛健委「全國援外醫療工作先進個人」表彰。范醫生今年2月帶領衛生署4人醫護小隊，參加59人救援隊到土耳其地震災區協助搜救，支援前線救援人員。佢攞獎後話感謝國家嘉許，感到無限光榮，又話救援隊出發前掌握嘅資訊有限，要短時間內準備合適藥物、急救護理用品、緊急醫療儀器同出外就診裝備等，認為今次獲表彰唔係個人榮耀，而係全團隊齊心。
特首李家超都喺facebook祝賀范醫生，話為佢驕傲，感謝佢同團隊救急扶危嘅貢獻，鼓勵醫護人員繼續克盡己職，服務香港市民嘅同時，要將自己所長服務國家，為國家援外醫療事業貢獻。
醫衛局長盧寵茂同衛生署長林文健都有去北京出席全國援外醫療工作先進個人表彰大會。
更多港聞
【Emily】前主播鞠頴怡自薦 成功入憲法推廣委會
【明報專訊】噚日係2023年最後一個工作日，政府一口氣公布多個委員會嘅新任命，包括委任憲法和基本法推廣督導委員會3個新成員，同時再度委任10... 詳情
相關新聞
