【Emily】前主播鞠頴怡自薦 成功入憲法推廣委會
[2023.12.30] 發表
【明報專訊】噚日係2023年最後一個工作日，政府一口氣公布多個委員會嘅新任命，包括委任憲法和基本法推廣督導委員會3個新成員，同時再度委任10個現任成員，任期兩年，元旦起生效。新獲委任嘅成員包括陳偉倫，仲有兩個透過青年委員自薦計劃招募嘅譚靖軒同前主播鞠頴怡(圖)。
自薦成功嘅鞠頴怡2015年起喺now TV做新聞主播，兩年後轉職TVB，主要係主持財經樓盤節目《日日有樓睇》同《樓市點睇》等，不過最近已無見佢再喺幕前出現。
政務司長兼憲法和基本法推廣督導委員會主席陳國基感謝即將離任嘅陳文綺慧、王洛媛、余大偉嘅投入及貢獻，同時歡迎3個新委員，期望同佢哋緊密合作。政府會定期透過青年委員自薦計劃招募18至35歲嘅青年，加入各個諮詢委員會。
更多港聞
相關新聞
