【Emily】梅儒瑞街市實戰粵語 網民提議挑戰澳牛
[2023.12.29] 發表
【明報專訊】唔少市民會趁冬至前後買餸做節，美國駐港澳總領事梅儒瑞早前就去北角春秧街街市買餸，仲全程用廣東話同檔主對談，分別買咗菜心、叉燒同蝦，檔主仲讚佢廣東話講得好。
美國駐港澳總領事館噚日喺facebook發布短片，來港上任一年多嘅梅儒瑞去到春秧街街市買餸，話要練習一下廣東話。佢首先去咗菜檔買菜心，主動問「搭棵葱得唔得？」之後去到一間燒臘店買叉燒，指明要半肥瘦，因為佢話「唔鍾意太肥」。梅儒瑞最後去到海鮮檔買蝦，對方讚佢「你廣東話好」。
雖然梅儒瑞嘅廣東話未算好純正，但唔少網民都留言讚佢貼地同尊重本地文化，願意入鄉隨俗講廣東話買餸。亦有網民建議佢下一次「挑戰下澳牛同九記先」，唔知佢會唔會接受挑戰呢？
更多港聞
【明報專訊】聖誕假期係旅客外遊嘅高峰，有航空討論區引述「國泰航空內部消息」，話國泰行政總裁林紹波（Ronald）原定前日（27號）飛上海，因...
詳情
【明報專訊】聖誕假期啱啱過咗，歡樂氣氛仍然持續。私隱專員公署關愛義工隊前日去咗探訪聖雅各福群會灣仔長者地區中心，為超過80個長者送上關懷，仲...
詳情
相關新聞
