【Emily】曾轟重建嘥錢 何君堯應邀訪荔枝角收押所
[2023.12.13] 發表
【明報專訊】政府計劃用55億元重建荔枝角收押所，立法會議員何君堯之前大罵係「五星級的家」，仲叫當局官員「用吓腦」。保安局長鄧炳強之後回應話同何議員「好朋友」，仲邀請佢參觀荔枝角收押所，噚日終於成事，陳克勤、葛珮帆、顏汶羽等議員都有份去，了解環境現况同重建工程。喺活動圖片見到，佢哋參觀咗監倉、操場、洗衣房等。
同行顏汶羽嘆擠迫 「重建迫在眉睫」
鄧炳強喺社交平台話，呢次參觀令各位議員了解到該處設施老舊、地方擠迫，而傳說中有嘅「清真寺」只係一個宗教及多用途活動小課室。佢重申重建工程係實而不華，仲hashtag咗「#並非豪華裝修」同「#同好朋友一齊參訪」。
顏汶羽話見到收押所迫到唔似樣，探望輪候時間長達兩個鐘，仲要喺晚間將活動中心改為還押者嘅休息地方。佢形容環境令人痛心，覺得重建係迫在眉睫、不能不做嘅事。
更多港聞
【明報專訊】新一屆區議會委任名單昨日出爐，179席中至少20人（11%）具教育界背景，當中15人現職中小學或幼稚園。多名獲委任的校長表示，將...
詳情
大人ing：兩姊妹拍住上 灰暗中詠善良 雷同二友
【明報專訊】「現在我們希望創作能同時保持童真，以及有足夠的成熟度去看世界。」雷同二友出道之初，曲風走清新路線，創作歌曲至今，人生多了閱歷，在... 詳情
相關新聞
