【Emily】借「軒公」過橋 候選人籲投「軒仔」 選舉論壇 羅文唱羅文《獅子山下》

[2023.11.29] 發表

【明報專訊】再出發大聯盟噚日起搞區議會選舉論壇，部分候選人諗計出位搶鏡，有人唱歌推銷自己，亦有人借歌手「過橋」。歌手張敬軒日前喺社交平台發帖，以「4號候選人」身分爭取叱咤頒獎禮嘅「我最喜愛男歌手」，而區選黃大仙西獨立候選人楊諾軒，噚日就話4號唔止有「軒公」，仲有「軒仔」，呼籲市民投佢一票。

候選人唔止講政見，無獨有偶，兩個觀塘北獨立候選人羅文同黃曉東，都喺問答及總結環節用「歌聲」傳達心聲，不過選曲同原因就唔一樣。

羅文總結發言時話溝通嘅過程總會有爭拗，但重要嘅係有溝通，其後就高歌同名歌手羅文《獅子山下》嘅一段，希望市民「拋棄區分求共對」。

黃曉東總結時就話會「唱好觀塘北演唱會」，希望街坊多加支持，更即場話要「用幾句歌」幫市民同政府打氣，於是用閩南話唱出「寶島歌王」葉啟田嘅名曲《愛拼才會贏》。

謝敏婷「出櫃」講錯「出軌」

至於Ig專頁有兩萬粉絲嘅「玄學小仙女」、九龍城南選人謝敏婷就話支持平權，講述性小眾面對情緒問題嘅困境，話佢哋要「出軌」，但幸好佢即時發現講錯，更正話同志要「出櫃」，唔係「出軌」。

2023年區議會參選名單詳見：link.mingpao.com/80815.htm

更多港聞

【明報專訊】因疫情休館逾兩年嘅港鐵展廊將於下月9日重開，市民今早10點起可以喺港鐵網站預約30天內嘅場次，名額先到先得，首2500名參觀者可... 詳情

【明報專訊】由仁濟醫院籌建、位於荃灣嘅過渡房屋項目「仁濟軒」噚日舉行竣工入伙儀式，預計提供212個單位。作為主禮嘉賓嘅房屋局長何永賢致辭話，... 詳情

【明報專訊】港大校委會噚日通過正式任命劉澤星做醫學院院長，任期下月1日展開，為期5年。港大校長張翔噚晚向師生發電郵公布，話劉澤星憑住傑出背景... 詳情

【明報專訊】自今年4月分階段投入服務後，先後發生自動門頂關門機件脫落、電線槽防鏽鍍層物料厚度不符合約要求事件嘅廣華醫院第一期重建工程新大樓，... 詳情

【明報專訊】城巴舊年宣布引入全港首部雙層氫能巴士（圖），據了解，巴士終於通過政府嘅車輛類型評定，即將「出牌」載客，而城巴聽日會舉行啟動禮，特... 詳情