【Emily】廣華重建一期開幕 首設5G網絡

【Emily】廣華重建一期開幕首設5G網絡

[2023.11.29] 發表

【明報專訊】自今年4月分階段投入服務後，先後發生自動門頂關門機件脫落、電線槽防鏽鍍層物料厚度不符合約要求事件嘅廣華醫院第一期重建工程新大樓，噚日舉行開幕禮。醫管局主席范鴻齡話新大樓急症室面積大咗2.6倍，又增加咗急症室病房等，可以紓緩九龍中醫院聯網急症醫療壓力。新大樓落成後，廣華亦成為首間提供5G網絡嘅公院，可應用喺遙距醫療同手術。

二期料增500牀10手術室

特首李家超噚日都以視像方式道賀，話廣華醫院提供中西並重嘅醫療服務，亦係重要嘅急症醫院，而《施政報告》推出一系列醫療有關措施，政府目標係提升醫療服務質素、推進公營醫療系統可持續發展。

擔任主禮嘉賓嘅政務司副司長卓永興話廣華醫院第二期重建計劃已展開，預計完成後可增加500張病牀同10間手術室等，又特別強調嚟緊區議會選舉對香港「意義非凡」，呼籲在場醫護投票。