【Emily】全民運動日 楊潤雄揈電子戰繩 十幾秒喘氣伸脷
[2023.08.07] 發表
【明報專訊】噚日係一年一度嘅全民運動日，高官出動推廣體育。特首李家超聯同文化體育及旅遊局長楊潤雄、康文署長劉明光等人，去到深水埗體育館撐場，參觀市民玩體適能訓練、衝浪板、電子反應架同電子戰繩，跟住輪到官員落場，楊潤雄打頭陣學玩電子戰繩，拎住兩條幾重嘅戰繩揈呀揈，在旁教練十幾秒後就叫停，見局長已喘氣，仲作狀脷都伸埋出嚟。練開氣功嘅李家超喺旁邊笑，自己無落場。
李家超同楊潤雄之後轉去另一試玩區，坐喺櫈度模仿輪椅劍擊運動員，練習電子擊靶。特首事後喺facebook話，教練教導佢要「以劍靶為目標」，一擊即中。
今次全民運動日主題係「身心力行體適能」，市民除咗可免費預訂同使用康文署轄下多項室內外康體設施，及水上活動中心嘅船，康文署噚日亦於各區指定體育館舉辦多項體適能運動和同樂活動，畀市民免費參與。
更多港聞
【明報專訊】機管局為響應政府推出嘅「你好，香港！」，透過本地航空公司向市民派發8萬張香港出發免費機票，香港航空今日（周一）起送出其中9800...
詳情
【Emily】藝廊展品被指疑「偽鈔活動」 警到場查列「誤會」
【明報專訊】位於中環大館嘅藝廊Touch Gallery 8月舉行「為何寫實？」展覽，但藝廊前日喺facebook話日前有警員上門調查。原來... 詳情
【Emily】「新工程合約」模式減超支機率 發展局英國獲獎
【明報專訊】傳統嘅工程合約，風險一般由承建商承擔，施工期間一旦出現問題，合約雙方較易發生爭拗，最後浪費更多時間同金錢。政府自2009年起喺工... 詳情
相關新聞
