【Emily】港航9800張免費機票 今10點起開搶
[2023.08.07] 發表
【明報專訊】機管局為響應政府推出嘅「你好，香港！」，透過本地航空公司向市民派發8萬張香港出發免費機票，香港航空今日(周一)起送出其中9800張機票，目的地包括曼谷、三亞、北京大興、杭州、名古屋、南京及首爾，先到先得。
香港航空繼上月24號送出首輪6800張來回機票，第二輪送機票活動今朝10點開始，9800張免費來回機票旅遊期限為9月1號至明年3月24號，當中有部分日子並無機票提供，而逗留期限須介乎2至7日。來回機票已包咗20公斤寄艙行李，但唔包括相關稅項、附加費同其他收費，參加者須自行承擔一切相關費用。
Emily提提準備搶飛嘅你，可能要有心理準備等好耐，事關另一間航空公司香港快運喺上月11號朝早10點半起派發逾2.1萬張機票，快運網站一開始就「塞車」，唔少人等咗幾個鐘都無進展。Emily祝你「搶飛旅途愉快」！
更多港聞
【Emily】藝廊展品被指疑「偽鈔活動」 警到場查列「誤會」
【明報專訊】位於中環大館嘅藝廊Touch Gallery 8月舉行「為何寫實？」展覽，但藝廊前日喺facebook話日前有警員上門調查。原來... 詳情
【Emily】「新工程合約」模式減超支機率 發展局英國獲獎
【明報專訊】傳統嘅工程合約，風險一般由承建商承擔，施工期間一旦出現問題，合約雙方較易發生爭拗，最後浪費更多時間同金錢。政府自2009年起喺工... 詳情
相關新聞
