【Emily】西隧抽風大樓研髹油 襯番西九
[2023.05.26] 發表
【明報專訊】西九文化區風景優美，但大草坪海邊位置有一座好「突兀」嘅藍色建築物，其實係西隧嘅抽風大樓，同西九文化區有啲格格不入。故宮文化博物館長吳志華話，西隧專營權喺8月交還政府，西九管理局同路政署傾緊，希望屆時可以將抽風大樓外牆重新髹油或者搞少少設計，減少外觀上嘅唔協調。
吳志華話，其實喺抽風大樓唔遠嘅地方有另一座灰白色嘅建築物，係港鐵嘅隧道抽風大樓，但因為外觀上唔太顯眼，所以冇咁礙眼，希望遲啲西隧抽風大樓改改顏色襯番環境。
另外，西九文化區行政總裁馮程淑儀話，𠵱家由港鐵站去西九文化區主要靠小巴線，所以會同巴士公司傾傾，希望可開巴士線方便市民同遊客。佢話發現好多遊客搭高鐵，以西九文化區為頭尾站，一落車就去西九放低行李參觀，又或者離開香港前去西九睇睇，再搭高鐵離開。
更多港聞
【Emily】謝偉銓卸政協 盼現任「如實講港」
【明報專訊】今年全國人大代表同政協委員換屆，多名港區人代同政協均退下火線。今年卸任政協嘅建測規園界議員謝偉銓（Tony）噚日喺faceboo... 詳情相關新聞
