【Emily】記協辦「薪酬談判工作坊」 會員學費500
[2023.05.10] 發表
【明報專訊】香港記者協會會定期搞吓活動畀行家參加，噚日就宣傳一個幾特別嘅活動，計劃下月推出「傳媒工作者薪酬談判工作坊」。記協宣傳電郵提到，同未來僱主見工談判薪酬嘅朋友，好多時可以將本來嘅薪酬提升一至兩成；但當面對一份好想要嘅工、相關工作機會已經到手時，反問記者應該點樣提出要求先會成功？要求點樣嘅數字先算合理？記協話工作坊會以小組討論同角色扮演形式，參加者將會學識薪酬談判必要嘅技巧，仲會有場景練習，有助以後爭取最高人工，形容「leave no money on the table」。
相關工作坊內容涵蓋行業格局、企業文化和特性，衡量個人喺傳媒工作嘅成就。不過，未同僱主講價，先要付工作坊學費，會員同非會員分別要畀500蚊同700蚊。電郵提到講者係做過記者同公關超過10年嘅業界人士，話講者𠵱家係企業高管嘅形象同事業教練，專門幫人獲得理想職位、報酬及賞識，仲義務擔任多個初創企業孵化器及青年領袖培訓計劃嘅導師。
更多港聞
佛聯會：學校只聚焦收生「不健康」 轄下來年600小一生 斥千萬引入配套提升英文水平
【明報專訊】學生人口出現結構性下跌，學校收生問題漸現，5間資助小學下學年不獲教育局資助開辦小一級，教育局亦多次呼籲辦學團體響應合併學校。轄下... 詳情
【明報專訊】斷莊3年後，上月初才就任的浸會大學學生會幹事會前晚（8日）宣布總辭。事緣上月浸大校方施罰，學生會幹事會成員不滿校方沒解釋清楚懲處...
詳情
相關新聞
