【Emily】「警犬車」成話題 警即拍片介紹
[2023.02.11] 發表
【明報專訊】7-Eleven便利店日前推出預訂「Tiny城市合金車仔Coaster警犬運送車輛」模型，雖然圖片顯示係警犬隊專用車輛，但內文形容係「警察運送車合金模型」，引嚟唔少網民討論，7-Eleven隨後將產品下架。警方周四晚(9日)喺社交平台發布《警隊101分鐘》短片，介紹警犬隊專用車輛。
主持開場時笑稱：「呢部(警車)咪最近好好好……」，另一名主持隨即回答係「好好用」。片段提及呢架車一次最多可載12隻警犬出勤，全港只得一架。雖然部車外形同平時出勤嘅警車好似樣，但車頭掛咗「PDU」嘅牌，即係警犬隊「Police Dog Unit」嘅簡稱。另外留意車頂係凸起嘅，原來係外置空調嚟，即使架車停車熄匙，警犬都繼續有冷氣歎。
更多港聞
【明報專訊】《給十九歲的我》引起爭議，除咗牛下女車神李慧詩，電影仲有另一張熟悉面孔，就係港大微生物學系講座教授袁國勇，片中10幾個同學一齊參...
詳情
【Emily】「爭拗令社會落伍」 張翔：冇人想見到
【明報專訊】香港大學噚日舉行傳媒春茗，校長張翔率領首席副校長王于漸等高層見記者。張翔致辭時話，香港要與時並進（remain relevant... 詳情相關新聞
