【Emily】「爭拗令社會落伍」 張翔：冇人想見到
[2023.02.11] 發表
【明報專訊】香港大學噚日舉行傳媒春茗，校長張翔率領首席副校長王于漸等高層見記者。張翔致辭時話，香港要與時並進(remain relevant)，大學同社會都要保持高質素表現，經濟發展亦要保持動力，成為領導亞洲嘅強大社會，但如果大家掛住爭拗呢樣嗰樣(argue east and west, left and right)，社會只會退步，「冇人想見到、20年後冇人會記得」，咁樣只會令社會落伍。
經歷新冠疫情，張翔話過去3年對所有人都唔容易，港大亦要改上網課，但𠵱家已克服困難，港大多個學科喺多間世界大學都名列前茅。佢又分享王安石〈登飛來峰〉一詩，「不畏浮雲遮望眼，只緣身在最高層」，話港大會繼續有遠大目標，貢獻社會。
更多港聞
相關新聞
