【Emily】工聯新春花車巡遊 鄧家彪盼派消費券
[2023.01.30] 發表
【明報專訊】唔少政團繼續搞賀年活動，工聯會喺油塘舉辦新春花車巡遊活動，立法會議員鄧家彪同九龍東團隊出席。花車途經藍田、秀茂坪、觀塘和彩虹等多個地方，同市民拜年兼送上祝福。鄧家彪話，香港開始復常，但仍然持續通脹，基層市民感受唔到經濟復常後嘅成果，佢希望新一份財政預算案可以繼續派消費券，同放寬消費券用途，例如可以用嚟交電費和租金等，紓緩一下市民嘅經濟壓力。
另外，工聯會立法會港島東議員吳秋北、勞工界議員郭偉强等人，就喺港島搞花車巡遊。郭偉强祝願打工仔升職加薪，又話新一年政府應加強推廣職業安全，同加強職業配對，令整體失業率可以進一步下降。
民建聯觀塘支部噚日亦喺區內搞新春財神巡遊，多名議員和議幹聯同「財神」向巿民拜年，沿途派「利市」。
更多港聞
相關新聞
