【Emily】狄志遠見日本總領事 盼社福界組團赴日考察
[2023.01.07] 發表
【明報專訊】新思維立法會議員狄志遠噚日同日本駐港總領事岡田健一見面，阿狄關注日本早前取消香港航班飛往部分當地機場嘅限制，佢引述岡田話，日本政府同特區政府積極溝通後已經調整咗政策。阿狄又提出，𠵱家內地旅客去日本仍有唔少限制，期望可逐步放寬。
阿狄噚日同新思維副主席黃俊瑯等人，到日本駐港總領事官邸同岡田健一見面。阿狄話對方就唔少本港議題問佢意見，包括人大常委會就國安法釋法，同埋新任扶貧委員會成員無立法會議員等。阿狄話日本面對人口老化問題，社福政策做得唔錯，值得香港借鏡，所以向岡田提出，希望可以安排社福界組團到日本考察，同社福機構交流，對方亦答應協助聯絡。
更多港聞
【明報專訊】選委會界別立法會議員吳傑莊（Johnny）噚日同傳媒茶敘，一直關注創科同金融科技發展嘅佢，有份牽頭喺下星期舉辦「Power We...
詳情
相關新聞
