【Emily】黃俊碩生日 陳永光「送禮」把脈
[2023.01.07] 發表
【明報專訊】民建聯會計界立法會議員黃俊碩(Edmund)今日生日，噚日佢同咗幾個立會同事慶生。Edmund話，上年生日佢啱啱做議員，加上第五波疫情開始爆發，政府公布晚市禁堂食，所以無乜點慶祝。佢嘅「新同事」、早排喺選委會界別補選勝出嘅黨友陳永光醫師噚日就送上生日禮物，就係為Edmund把脈問診。
Edmund同Emily講，上年初染疫後連續幾個月有「長新冠」後遺症，個人好易攰，又會半夜扎醒失眠，後來好咗，但最近又出現番，可惜一直預約唔到政府嘅中醫診所，𠵱家好在有陳醫師幫佢把脈開藥方。
上任一年，Edmund話新一年希望繼續為業界解困，包括一直存在嘅假會計師問題，推動改良《專業會計師條例》。佢仲想慢慢有機會可以涉獵業界以外範疇嘅工作。
更多港聞
【明報專訊】選委會界別立法會議員吳傑莊（Johnny）噚日同傳媒茶敘，一直關注創科同金融科技發展嘅佢，有份牽頭喺下星期舉辦「Power We...
詳情
相關新聞
