【Emily】鬼佬歎油炸鬼 讚粵語生鬼 廣東話拍片 美總領事求指教
[2022.12.03] 發表
【明報專訊】被譽為「中國通」嘅美國駐港澳總領事梅儒瑞(Gregory May)，本身講得一口流利普通話，佢話近期學咗廣東話兩個幾月，噚日仲上載影片show下成果。
根據美總領館上載嘅影片，梅儒瑞面前放住港式早餐常見嘅粥、油炸鬼同炒麵，一邊用夾雜英文口音同普通話口音嘅廣東話，同網民打招呼。佢話好開心有機會學廣東話同了解香港文化，自己啱啱開始學廣東話，「對於我哋鬼佬嚟講，廣東話都真係幾難，不過我鍾意佢夠生鬼，希望學快啲，方便我四圍行，同大家傾吓偈」。
網民提議學「五字真言」
梅儒瑞話自己發音麻麻哋，向網民公開徵求有無貼士學得快啲，仲話遲啲會再拍片，叫大家到時睇吓佢有冇進步。有網民就留言讚佢「good try」，不過話佢部分詞語似係普通話發音多少少，叫佢要繼續加油，亦有網民留言寫埋廣東話拼音同解釋，糾正佢點樣講正啲「啱啱」兩個字。另外都有網民開玩笑話，學廣東話精萃始終都係要學識「五字真言」(廣東話粗口)，梅儒瑞一於少理，照留言話多謝建議。
更多港聞
【Emily】助適應全日課 小學Happy Friday耍劍球
【明報專訊】今個月起，新冠疫苗接種率達七成嘅小學可以申請返全日學，五邑工商總會學校超過八成學生打咗兩針，前日起（1日）恢復全日面授課。校長黃... 詳情
【明報專訊】吸煙與健康委員會近排搵咗唔少名人宣傳戒煙，今次搵咗輪椅羽毛球「一哥」陳浩源分享經歷。陳浩源話自己成日被誤會係煙民，但其實佢好抗拒...
詳情
【明報專訊】每逢天氣轉涼，香港紅十字會輸血服務中心嘅血庫都可能有「危機」，紅十字會話𠵱家血庫得番3至4日存量，呼籲市民盡快捐血，並引述一名...
詳情
相關新聞
