【Emily】紅會血存剩3天 籲市民盡快捐血
[2022.12.03] 發表
【明報專訊】每逢天氣轉涼，香港紅十字會輸血服務中心嘅血庫都可能有「危機」，紅十字會話𠵱家血庫得番3至4日存量，呼籲市民盡快捐血，並引述一名重型地中海貧血症患者賢仔(化名)嘅媽媽話，地貧病人必須定期輸血，擔心一旦唔夠血液供應，會影響到地貧病人維持生命。
紅十字會話每日要收集約650包血先可以維持全港醫院每日所需用量，部分疾病治療同緊急手術更需要大量血液。不過，近期疫情反覆，加上天氣轉涼，每日血液收集量唔穩定，過去兩星期嘅平均每日血液收集量都唔達標，加上公立醫院踏入冬季服務高峰期，公營醫療系統嘅血液需求增加，血庫情况將會更嚴竣，希望市民協助補充血庫，應付醫院臨牀輸血治療嘅需要，以免影響病人嘅治療。
更多港聞
相關新聞
