【Emily】助適應全日課 小學Happy Friday耍劍球
[2022.12.03] 發表
【明報專訊】今個月起，新冠疫苗接種率達七成嘅小學可以申請返全日學，五邑工商總會學校超過八成學生打咗兩針，前日起(1日)恢復全日面授課。校長黃錦耀話為咗幫學生適應，調動咗時間表，逢星期五晏晝唔使上堂，改為參與跨學科多元學習活動，每星期主題都唔同。
跨學科活動 每周新主題
噚日係第一個活動日，學校安排咗花式劍球匯演活動，邀請劍球運動員到校表演，學生劍球隊都一齊施展球技。黃校長話搞學習活動係想學生透過運動學習專注、解難，「玩之餘，都有所得着」。
黃校長仲話，半日制時學校12點45分放學，𠵱家返全日就延後至3點半，過往時間好緊迫，希望學生喺全日校園生活可以參與多啲唔同活動，多啲同同學相處，訓練社交能力。
更多港聞
【明報專訊】吸煙與健康委員會近排搵咗唔少名人宣傳戒煙，今次搵咗輪椅羽毛球「一哥」陳浩源分享經歷。陳浩源話自己成日被誤會係煙民，但其實佢好抗拒...
詳情
【明報專訊】每逢天氣轉涼，香港紅十字會輸血服務中心嘅血庫都可能有「危機」，紅十字會話𠵱家血庫得番3至4日存量，呼籲市民盡快捐血，並引述一名...
詳情
相關新聞
