【Emily】在囚兩年 黃之鋒引Dear Jane歌詞「我未垮掉」
[2022.11.24] 發表
【明報專訊】前香港眾志秘書長黃之鋒噚日啱啱好在囚兩年，佢嘅facebook專頁噚日出帖文，提及在囚730日以來嘅變化，仲手寫歌星Dear Jane《脫骹的華爾茲》歌詞「我共宇宙說好了 有場舞還未發表 必須公告世間 我未有垮掉」。之鋒形容，在囚期間睇住外間翻天覆地嘅變化，捉摸坊間情緒面貌、理解民情氛圍猶如瞎子摸象，但佢仍希望可以捉緊民間社會嘅脈搏，話有呢個想法係因為唔想脫節，更在乎於覺得公眾認識嘅面孔𠵱家更難看見彼此，需要想方設法拉近同大眾嘅距離。
之鋒仲以「半杯水」嘅哲學，認為𠵱家水杯只剩一刻度嘅水量，由一斟到二看似乏味嘅低潮，但同時開拓嘅空間有倍數增長，勸勉大家唔好只着眼香港種種「呎退」，忽略每個逆水行舟、力求「寸進」嘅人。
羅冠聰完成韌帶手術
另外，流亡海外嘅立法會前議員羅冠聰亦喺facebook透露，左腳十字韌帶撕裂同半月板受傷已4個月，終於做咗手術。佢話手術後身體恢復大半知覺，傷口隨之刺痛，先開始有啲慌，當時連抬腿、落牀都要用九牛二虎之力。佢又話，知道過程嘅痛楚係必經，但無助感係唔能夠用理性解說，係難以言喻嘅刺痛。
更多港聞
【Emily】自由黨陳曉峰YouTube拍片爭連任人代
【明報專訊】港區全國人大代表換屆選舉提名期噚日開始，但唔少有意參選者都忙住搵提名，遲兩日先去報名，噚日報名處好冷清。現屆人大代表、自由黨副主... 詳情
【Emily】都大再辦環校跑 校長放眼組馬拉松隊
【明報專訊】香港都會大學噚日舉行第二屆環校跑，超過250個師生參加，亦有4名視障人士喺都大學生領跑下一齊完成活動。都大話，今屆比首屆更踴躍，... 詳情
【明報專訊】現時教師註冊制度屬終身制，有立法會議員倡設續牌條件，要通過包括國情內容考核和進修。教育局長蔡若蓮昨回應，對此持開放態度，需否改變...
詳情
專幫沒領資助基層 幼吾幼基金12年培訓9000「小老師」
【明報專訊】疫情影響校園學習，基層生活更添困難，「幼吾幼慈善基金」旗下的「333小老師培訓計劃」以沒有領取政府資助的基層小學生為服務對象，提... 詳情
相關新聞
