【Emily】自由黨陳曉峰YouTube拍片爭連任人代
[2022.11.24] 發表
【明報專訊】港區全國人大代表換屆選舉提名期噚日開始，但唔少有意參選者都忙住搵提名，遲兩日先去報名，噚日報名處好冷清。現屆人大代表、自由黨副主席陳曉峰噚日最高調，喺YouTube上載影片宣布爭取連任，政綱係「人民至上、守正創新」、「法律+科技、創造機遇+」。
參選者忙住搵提名 報名處冷清
唔少人代選民噚日忙於接電話，因為唔少有意參選者搵佢哋攞提名，但有選民話未收到前特首林鄭月娥攞提名，認為佢應該唔會選。盛傳唔少立法會議員計劃增加跑道出選人代，包括梁美芬、霍啟剛、李慧琼等。社團界別方面，九龍社團聯會理事長徐莉有意披甲上陣，而新社聯陳勇同香港島各界聯合會蔡毅會爭取連任。
本身係律師嘅陳曉峰喺影片話，香港經歷咗好唔平凡嘅一年，自己抱住一粒熱忱嘅心，全心全意同咁多位市民建設香港未來，並且配合國家發展需要。佢又話香港發展比較嚴峻，喺呢個大洪流裏面要不遺餘力地運用個人能力，包括將法律同科技結合，提升國家發展，令香港進步。
更多港聞
【Emily】都大再辦環校跑 校長放眼組馬拉松隊
【明報專訊】香港都會大學噚日舉行第二屆環校跑，超過250個師生參加，亦有4名視障人士喺都大學生領跑下一齊完成活動。都大話，今屆比首屆更踴躍，... 詳情
【明報專訊】現時教師註冊制度屬終身制，有立法會議員倡設續牌條件，要通過包括國情內容考核和進修。教育局長蔡若蓮昨回應，對此持開放態度，需否改變...
詳情
專幫沒領資助基層 幼吾幼基金12年培訓9000「小老師」
【明報專訊】疫情影響校園學習，基層生活更添困難，「幼吾幼慈善基金」旗下的「333小老師培訓計劃」以沒有領取政府資助的基層小學生為服務對象，提... 詳情
相關新聞
