【Emily】阿尹獄中練肌肉 向阿臻騷胸肌
[2022.11.16] 發表
【明報專訊】民主黨立法會前議員尹兆堅因為參加民主派初選，被控《港區國安法》串謀顛覆國家政權罪，𠵱家仲還押緊。立法會前議員邵家臻日前去探過尹兆堅，佢話阿尹還押初期茶飯不思，身體消瘦，但𠵱家重新做番運動，鍛煉肌肉，仲即場展示胸肌，叫大家唔使擔心。
閱史書 明自己非最悲慘嘅人
邵家臻話阿尹喺獄中不斷睇書，其中閱讀歷史書時了解到歷史不斷重演，佢亦明白自己唔係最悲慘嘅人，其他國家例如緬甸、伊朗、烏克蘭、敘利亞嘅人，所面對嘅困難比香港大得多。阿尹每日都會細讀報紙，逐格慢慢讀，所以對世界大小事嘅認識反而深過以前。邵家臻引述阿尹話做運動同讀書，無非為咗保持心靈平靜，平靜面對未來嘅大風大浪。
民主黨前主席劉慧卿同前政協委員劉夢熊日前亦一齊到赤柱監獄探阿尹，卿姐話阿尹好高興見到劉夢熊去探佢，阿尹身體健康，亦幾精神。
更多港聞
【明報專訊】教育局昨日向小學及中學校長發通函，稱今年是南京大屠殺85周年，為悼念死難同胞，讓年輕一代銘記歷史，反思戰爭殘酷慘烈，及珍愛今日來...
詳情
相關新聞
