【Emily】立會男團初登場 隊名唔想叫「horror」
[2022.08.22] 發表
【明報專訊】幾名立法會議員噚日出席一個長者音樂會，組成男團出道上台獻唱，成員來自不同政黨，有民建聯陳學鋒、顏汶羽同梁熙，自由黨李鎮強，及無黨派管浩鳴及梁毓偉。Emily睇佢哋唱歌嘅片，個個都有番咁上下台風，梁熙喺facebook笑言「觀眾反應不錯(我覺得)！」，「觀乎現場觀眾都冇咩人去廁所，我已相當滿足」。
梁熙話，呢隊連隊名都未有嘅男團之前從未夾過，引述「氣氛擔當」李鎮強話除咗唱國歌，大家都未合唱過。梁熙介紹，出道首次表演就唱咗《朋友》同《真的愛你》兩首歌，「我平日嗌咪多，揸咪練歌少，唱細聲啲當和音，以免影響整體表現」，又笑言希望呢隊男團嘅名「唔好係horror」。顏汶羽就話，好多人話做議員要唱幾首歌，但佢唔識唱歌、歌聲難聽，肯定會趕客，黐住幾個唱功了得嘅議員為街坊獻唱，咁樣難聽都唔會咁易被人發現。
更多港聞
【明報專訊】不經不覺曾俊華已卸任財政司長5年多，噚日佢喺facebook話，自己喺15年前上任，上任後20日寫咗第一篇網誌，形容當時心情緊張...
詳情
【Emily】同心同根活動 青少年制服團隊步操有中有英
【明報專訊】為慶祝香港特區成立25周年，「同心同根會」噚日舉行首次大型活動，13個青少年制服團隊聯同7個紀律部隊青少年團體等，喺維園搞嘉年華... 詳情相關新聞
