【Emily】肥尹變瘦尹 回到20年前做區時

[2022.08.22] 發表

【明報專訊】捲入「35+初選案」嘅民主派已被拘押逾一年半，唔少人都有啲改變，其中民主黨尹兆堅以前喺立法會有「肥尹」之名，𠵱家變成「瘦尹」。其facebook小編近期探過佢，形容阿尹瘦到好似20年前做緊「區佬」嘅模樣(圖)，差啲認唔到。

根據阿尹fb小編轉述，過去大家對阿尹嘅印象係肥嘟嘟，但近期去赤柱監獄探過佢，阿尹唔止瘦咗，會面期間仲整高褲腳展示黑咗嘅膚色。阿尹外形雖然變咗，但笑起嚟都有一對腰果眼。

小編引述阿尹話身體無乜異樣，之前嘅身體問題都有醫生跟進，排隊等緊覆診，阿尹仲笑言：「我身邊啲人中晒(新冠)肺炎，但我冇事！」會面15分鐘轉眼就過，阿尹向小編話，每次探訪時間係見牆外人唯一時光，所以都多謝牆外人探望。

更多港聞

【明報專訊】不經不覺曾俊華已卸任財政司長5年多，噚日佢喺facebook話，自己喺15年前上任，上任後20日寫咗第一篇網誌，形容當時心情緊張... 詳情

【明報專訊】為慶祝香港特區成立25周年，「同心同根會」噚日舉行首次大型活動，13個青少年制服團隊聯同7個紀律部隊青少年團體等，喺維園搞嘉年華... 詳情